1. jarduera: Proiektuaren aurkezpena eta Euskal Herriko paisaiak

Izadian barrena paseatzea gustagarria dela esan eta, gainera, proiektuaren aurkezpena egiten zaigu: bide, mendi edo izadigune bateko ibilbidea aztertzea. Ikastola inguruan edo ikastolatik hurbil dagoen ibilbide bat aztertzea da proposamena. Kontuan izan behar da, unitate eta proiektu hau egiteko, irteera batekin ez dugula nahikoa izango. Dena dela, aukera, ahalbide eta nahiaren arabera, irakaslearen esku egongo da hori guztia. Ikastola inguruan ibiliko bagara ere, izadiaren azterketak aukera ematen digu Euskal Herriko hainbat paisaiari erreparatzeko (paisaia menditsua, basamortua, leku zelai zabala...) eta bertan ageri diren elementu orografikoez hitz egiteko (ibaiak, errekak, mendiak, haranak...).