Ikasleek lana nola egiten den ikus eta ikas dezaten,  lehen jarduera hau irakasleak berak gidatuko du gelan. Baina, gero, ikasleak jarriko ditu lanean, eta irakasleak egin eta azaldu duena zuzen errepikatzen saiatuko dira haiek.  

Izendatu den musikagileaz informazioa bildu, egokitu eta moldatu behar da. Haren irudia eta grabazioak eskuratzen ere saiatu behar da. Youtubek edo antzeko guneak miatzea ere komeni da, agian horietan aurki daiteke-eta bideoren bat musika eta guzti.

Horrekin guztiarekin, musikagileen txoko digitala asko aberastuta eta ongi hornituta geratuko da, oso eskura gainera. Ez al da burutazio bikaina?

Jarduera honetan aurrera egiteko, segur aski, beharrezkoa izango da IKTen dinamizatzailearen laguntza eta elkarlana. Zalantzan egon gabe, laguntza eskatu. Berehala ohartuko gara ez dela oso zaila ere, eta arian-arian ikasturtean zehar bildu eta aztertu ditugun musikagile guztiak gune batean bilduta izango ditugu. Gainera, baliabide horretaz baliatuz, ikasleen arteko elkarlana, erantzukizuna eta gizartearekiko konpromisoa bultzatuko dugu.

Ikus, adibide gisa eginda dagoena. Web helbidea behean dago.