Maddalenen eta Ferminen sorpresa aitzakiatzat hartuz, Haydn-en Sorpresa sinfoniaren 3. mugimendua entzungo dugu.
Halere, ezertan hasi aurretik, musikagilearen biografia irakurriko diegu haurrei, eta gelako horma batean gure Musikagileen Txokoa jarriko dugu abian.
Txoko horretan, hiru hilabetez behin entzuten ditugun musikagileen argazkiak, izenak eta biografiak erantsiko ditugu, eta hiru hilabete pasatu eta gero, datu horiek erabiliz, A3 neurriko orrietan, etxera eramateko karpeta bat presta daiteke, musikan egindako lanak sartzeko.