Mundu-mapa osatzen duten kontinenteak, itsaso eta ozeano nagusiak, penintsulak... aztertzen ditu jarduera honek.

Mundu-mapa osatzen duten elementu nagusiak (kontinenteak eta ozeanoak) hobeto ezagutzen laguntzearren, ikasgelan, proiektagailuaren laguntzarekin lehendabizi, Irristalari CD-ROMean dagoen mundu-mapa fisikoa ikusiko dugu, aztertu eta, jolas moduan, osatu. Irristalari CD-ROMa eskura ez badugu, hor behean ageri den irudia erakutsiko dugu proiektagailuan.

Lan-koadernoko jarduerak egiteko, kontinenteei buruzko hainbat datu eskuratu behar ditugu. Lan hori info-gelan egitea proposatzen dugu, ikasleak binaka jarrita. Firefox nabigatzailea erabiltzen badugu, Euskalbar tresnaz balia gaitezke datuak eskuratzeko: Harluxet entziklopediara edo euskal Wikipediara zuzenean jota. Batera zein bestera zuzenean jotzeko loturak ere jarri ditugu.