Zuzeneko behaketaz baliatuko gara marrazkiak egiteko orduan. Lana kanpoan lan egin behar denez, haur bakoitzak material zurrunak (okume-xafla, karpeta...) eramatea komeni da, papera haren gainean jartzeko. Hainbat material erabil daitezke, baina, hasteko, batez ere, arkatza, zorrozkailua eta borragoma dira beharrezkoenak. Kolorea, gelan eman dakioke marrazkiari, zuzeneko behaketa eginda edo behatu ondoren buruan gordeta argizariz, tenperaz, arkatz koloredunez...margotuko dugu. Saiatu behaketa garaian elementuen arteko proportzioaz hitz egiten, argia eta itzala behatzen, horien testura edo ehundurak (harria, zuloak, zura...) atzematen eta arkatzaren bidez adierazten saia daitezen.