Irakurgaietan irakurri berri ditugun testuetan oinarrituta, eta haiei erreferentzia eginez, hainbat galdera egingo dizkiegu ikasleei, Ikasgelako Blogaz baliatuz. Talde txikietan jarrita, iruzkinen bitartez, haiei erantzungo diete.

Blogean idatziko diegun mezua honen antzekoa izango da:

Aristoteles-en usteak, erdia ustel?

Aristotelesek uste zuen Lurra biribila zela, eta hori frogatzeko, hiru arrazoi eman zituen:

1. Izarrak ez dira munduko leku guztietan altuera berean ikusten zeruan. Lurra laua balitz, ez litzateke hori gertatuko; biribila izanda, bai. Beraz, Lurra biribila da.
2. Ilargiaren eklipseetan ikusten den itzala Lurraren errainua da, zalantzarik gabe, eta itzal horrek forma biribila duenez, Lurrak biribila izan behar du.
3. Itsasontzi bat lehorrera hurbiltzen denean, lehenengo masta ikusten zaio, eta gero agertzen da branka gaina, eta, azkenean, ontziaren beheko aldea. Beraz, Lurra biribila da, zalantza izpirik gabe.

Arrazoi horietako bat zalantzan jartzeko modukoa dela iruditzen al zaizue? Zergatik?

Aristotelesek eman zituen hiru arrazoietatik zein izango ote da erabakigarriena? Zergatik?